XORNAL I S. Carregal / A Coruña.- Premamos do botón de baixada no noso ascensor para enviar ao Defensor do Pobo ao averno. O motivo é o claro descoñecemento da realidade lingüística do noso país. Considera Múgica que en Galiza hai unha "inversión lingüística" preocupante nas escolas. Ten razón A Mesa cando di que este home amosa unha "ignorancia supina sobre a situación do galego no ensino".

Non sei se é de risa o para chorar ver como se fai esa aseveración ao respecto dunha comunidade na que ninguén vira a cabeza se escoita falar en castelán, pero non pasa o mesmo caso de que se fale en galego en determinados círculos e situacións.

Unha viaxe á Galiza urbanita ou una lectura do informe do Consello de Europa que explica a vulneración de dereitos lingüísticos dos estudantes galegos, era o que lle viña ben ao Defensor do Pobo. Pola parte que nos toca, baixámolo no ascensor de Xornal.